Aðgengisvottun

Í samvinnu við Öryrkjabandalag Íslands skilar Sjá tillögum um hvernig má gera vefinn þinn sem aðgengilegastan fyrir sem flesta hópa fatlaðra og skilar það sér í því að vefurinn hlýtur vottun. Vottað er fyrir Forgang I, Forgang II og Forgang III en Forgangur I er lágsmarkskrafa sem gerð er varðandi aðgengi.

Hvað felst í vottun Sjá og Öryrkjabandalagsins?

Vottun Sjá og Öryrkjabandalagsins felur í sér skuldbindingu fyrirtækis/stofnunar til að fylgja þeim kröfum sem settar eru fram varðandi aðgengi á vefnum. Vefur er „aðgengilegur” ef allir notendur hafa aðgang að og geta notað efni vefjarins óháð fötlun eða getu.

• Gátlisti Sjá hefur verið í þróun í nokkur ár og hefur verið margprófaður
• Listinn fylgir í meginatriðum gátlista W3C (World Wide Web Committee), frá Website Accessibility Initiative (WAI) sem gefinn var út 1999
• WCAG gátlistinn er notaður út um allan heim sem staðall fyrir aðgengi á Netinu. Hins vegar má bæta við að þessi gátlisti (útgáfa 1.0) er kominn nokkuð til ára sinna og hefur Gátlisti Sjá verið uppfærður í samræmi við prófanir á Íslandi og ábendingar íslenskra notenda
• Gátlisti Sjá er sérstaklega staðlaður miðað við íslenskar aðstæður
• Gátlistinn hefur verið prófaður á notendum með margs kyns fötlun og meðal annars voru prófaðir notendur með lesblindu, heyrnarleysi, blindu og alvarlega sjónskerðingu
• Stöðlun Gátlistans skiptir einnig miklu máli þegar haft er í huga hvaða gerð búnaðar eins og skjálesara er notaður á Íslandi
• Sjá er í reglulegu sambandi við fatlaða notendur og er það ákaflega mikilvægur liður í áframhaldandi starfi og þróun Sjá
• Þegar þetta er ritað er útgáfa 2.0 af WCAG listanum í þróun og mun vera tekið mið af honum þegar hann verður fullmótaður. Listinn verður í aðalatriðum svipaður þó að nokkrar áherslubreytingar komi til með að verða
• Gátlistinn frá WCAG (útgáfa 1.0) samanstendur af 14 aðalatriðum sem eru brotin niður í fleiri atriði og er þeim gefinn forgangur 1, 2 og 3 eftir mikilvægi. Gátlisti Sjá er í samræmi við þessi forgangsatriði

Eftirfarandi vefir hafa fengið vottun Sjá

Forgangur I:

• Reykjanesbær (aðgengismál í skoðun á nýjun vef)
  
• Bókasafn Reykjanesbæjar
• Geðhjálp
• Háskóli Íslands (nýr vefur er í vinnslu)
  

Forgangur I og II:

• Seltjarnarnes
• Heimabankinn
• Þjónustu- og þekkingarmiðstöð fyrir blinda, sjónskerta og daufblinda einstaklinga
• Framkvæmdasýsla ríkisins
• Veðurstofa Íslands
• Vefur Tollstjórans í Reykjavík
• Gegnir
• S24
• Byr
• Blindrafélagið

Forgangur I, II og III:

• Tryggingamiðstöðin