Hvað felst í vottun um forgang I
Vottun um forgang I: Lágmarkskrafa sem gerð er um aðgengi á vef.
Dæmi:
- ALT texti þarf að vera á öllum myndum, myndatenglum og myndahnöppum
- Bjóða þarf upp á að minnsta kosti 2 stillingar á leturstærðum og 1 litastillingu (ljóst letur á dökkum bakgrunni)
- Margmiðlunarefni þarf að hafa efni í boði fyrir heyrnarlausa
- Leiðbeiningar þurfa að fylgja allri virkni eins útfyllingu á eyðublöðum, reiknivélum og þess háttar
Vefur verður að uppfylla öll atriðin fyrir forgang I á gátlistanum til að fá vottun.
Hvað felst í vottun um forgang II
Vottun um forgang II: Meiri kröfur eru gerðar um aðgengi á vefnum.
Dæmi:
- Tenglaheiti þurfa að vera skýr, ekki er nægilegt að tenglaheiti sé hér eða smella hér eða meira heldur þarf að tilgreina nánar hvert tengillinn leiðir notendur til dæmis.: Lán: Upplýsingar um bílalán
- Reitir í formum þurfa að vera rétt skilgreindir fyrir skjálesara, nota þarf LABEL for
- Útskýra þarf skammstafanir eða merkja þær sérstaklega
- Nota þarf stílsíður (CSS, e. Cascading Style Sheets) í uppbyggingu vefjarins
- Ekki ætti að nota töflur né myndir til að sníða útlit
Í forgangi II felst að einnig þarf að uppfylla öll atriði samkvæmt forgangi I.
Hvað felst í vottun um forgang III
Vottun um forgang III: Háar kröfur varðandi aðgengi á vefnum.
Uppfylla þarf einnig forgang I og II til að geta fengið vottun um forgang III.
Dæmi:
- Veita þarf notendum upplýsingar um stærð og snið skjala (til dæmis. PDF 20Kb)
- Bjóða þarf upp á orðalista/orðabók
- Stillingar þurfa að vera í boði fyrir lesblinda notendur
Í forgangi III felst að einnig þarf að uppfylla öll atriði samkvæmt forgangi I og II.
Forgangur I, Forgangur II
Aðgengisstaðlar Sjá
Aðgengisstaðlar Sjá byggjast á stöðlum WAI (Web Accessibility Initiative) og eru staðfærðir og prófaðir á Íslandi í samvinnu við Öryrkjabandalagið.
Til að kanna hvort að vefur er aðgengilegur gerir aðgengissérfræðingur Sjá úttekt á honum. Vefir sem uppfylla þær kröfur sem gerðar eru varðandi aðgengi fá vottun þess efnis á vefi sína sem gildir í 1 ár. Vottunarmerkið tryggir að vefurinn sé aðgengilegur öllum notendum óháð fötlun þeirra eða getu. Vottunin er unnin í samráði við Öryrkjabandalag Íslands og er hægt að velja um þrenns konar stig vottunar.
Listi WAI, WCAG (Web Content Accessibility Guidelines) útgáfa 1 sem Sjá styðst í meginatriðum við er hægt að nálgast á vef W3C (World Wide Web Committee).
Ef notendur telja að vefur Sjá uppfylli ekki þær kröfur sem þeir telja eðlilegt að hann geri til að vera aðgengilegur öllum notendum er viðkomandi beðin(n) að hafa samband við Sigrúnu Þorsteinsdóttur: sigrun@sja.is eða í síma: 511-3110.
