Gagnleg usability tips
Flestir geta verið sammála um það að nytsemi vefja (e. usability) skipti máli. Það er lykilatriði að notendur upplifi vefinn á jákvæðan hátt. Að baki liggja margra ára rannsóknir á hegðun og upplifun notenda, sem gera okkur kleift að gera betri vefi í dag.
Smashing Magazine birti á dögunum 10 gagnleg usability tips. Við hjá Sjá erum sannarlega sammála því sem þar kemur fram. Kíkið á greinina hér.
Sjá og HR kynna námskeið í vefstjórnun
Í nútímasamfélagi skiptir miklu máli fyrir fyrirtæki að vera með góða og sýnilega heimasíðu. Á námskeiðinu er farið er yfir allt þeð helsta sem er að gerast í vefmálum í dag, nýjar aðferðir og hvað er að skila bestum árangri. Farið er m.a. yfir grafíska hönnun, verkefnastjórnun (Agile aðferðafræðin), innihald vefja, aðgengismál vefja, nytsemi og öryggi. Mikilvægt er að vefstjórarar hafi góða yfirsýn og þekki allt það helsta sem er að gerast í vefmálum og hvaða aðferðir eru að skila góðum árangri.
Markmið námskeiðsins er að þátttakendur nái góðri yfirsýn yfir hvaða þáttum vefstjórar þurfa að sinna í starfi sínu til að ná árangri.
Sjá nánari upplýsingar um námskeiðið á vef HR.
Bad Usability Calendar - Ágúst 2010
Vefurinn Bad Usability Calendar er með skemmtilegt innleg í umræðu um nytsemi vefja. Mánaðarlegir pistlar fjalla um atriði sem vert er að huga að þegar kemur að því að halda úti vef sem er nytsamur og notendavænn. Hér má sjá ágúst-færsluna sem fjallar um mikilvægi þess að hugað sé að því að skrifa á réttan hátt fyrir vefinn. Draga þarf fram aðalatriðin fyrst og allur texti þarf að vera hnitmiðaður. Við byrjum að lesa efst á síðunni og færum okkur niður en athyglin skerðist um leið. Áhugaverð lesning og gagnleg.
Iceweb 2010
Samtök vefiðnaðarins standa fyrir ráðstefnunni Iceweb 2010 dagana 7.-8. október nk. Eins og áður er um að ræða spennandi viðburð í vefheiminum. Frábærir fyrirlesar munu stíga á stokk, bæði með fyrirlestrum og eins workshoppum. Hér er um að ræða viðburð sem ekki má missa af.
Kíkið á vef ráðstefnunnar - http://icewebconference.com/
World Usability Day 2010
Nú styttist í dag nytseminnar eða World Usability Day 2010. Í ár verður dagurinn helgaður samskiptum og er haldinn þann 11. nóvember 2010. Elizabeth Rosenzweig, stofnandi World Usability Day, segir að daginum sé ætlað að auka vitund um og skilning á hönnun, vörum og þjónustu sem auðvelda samskipti í heiminum.
Hægt er að lesa meira um framtakið á vefnum www. worldusabilityday.org.
Pick-up línur fyrir vefstjóra og vefhönnuði
Rákumst á snilldar samantekt hjá StyleVein - 20 pick-up línur fyrir vefstjóra og vefhönnuði. Þetta verða allir að lesa.
Er einfaldleikinn málið?
Í sífellt flóknari heimi þar sem upplýsingar streyma að fólki úr öllum áttum má gera ráð fyrir að nú fari fókusinn að færast í átt að einfaldleika. Í tækni- og vefgeiranum má gera ráð fyrir að menn fókusi frekar á núverandi þarfir frekar en að reyna að taka tillit til alls þess sem gæti gerst á næstu mánuðum eða árum. Þetta á sérstaklega við þegar notast er við hugbúnað sem þjónustu (e. software as a service), þá má alltaf bæta við þegar við á.
Hér má sjá skemmtilega umfjöllun á þessum nótum frá Gerry McGovern.
Algengir þröskuldar í vefverkefnum
Á fagblogginu Zurb er fjallað um hvernig best er að komast hjá hindrunum og keyra vefverkefni áfram í sex ágætum ábendingum um þröskulda sem má forðast.
Meðal þess sem þeir nefna er að ekki sé sett skýr lokadagsetning, fullkomnunarárátta og slæma verkefnastjórnun.
Notendur eru óþolinmóðir
Enn og aftur kemst Gerry McGovern að kjarna málsins í nýjasta pistlinum sínum. Notendur eru óþolinmóðir og með ákveðin verkefni í huga þegar þeir heimsækja vefi. Þeir vilja ekki láta leiða sig af leið með auglýsingum og markaðsefni eða tilgangslausu hjali. Hann fjallar um tilraun Google til að breyta upphafssíðu leitarvélarinnar með ekki góðum árangri. Lesið greinina hér.
Bestu innri vefirnir 2011
Jakob Nielsen fjallar enn um innri vefi og hvernig önnur lögmál eiga að hluta við um þau en ytri vefi fyrirtækja og stofnana. Nú kemur hann inn á aukningu í notkun Sharepoint kerfisins (eða sambærilegra kerfa) undir innri vefi og hvernig það getur auðveldað smíði og innleiðingu. Þrátt fyrir það að byggja á sama undirliggjandi kerfinu eru innri vefir samt ólíkir í uppbyggingu og innihaldi enda fer það algerlega eftir eðli og starfsemi fyrirtækis hvernig innri vefurinn er.
Hann auglýsir einnig eftir tilnefningum fyrir samkeppni um besta innri vefinn 2011. Á þinn innri vefur erindi?
