Hin vinsælu námskeið í aðgengismálum vefja hefjast aftur með haustinu. Aðgengismál fatlaðra er sífellt að verða fyrirferðarmeira í umræðunni enda ættu allir notendur að hafa tækifæri til að nálgast upplýsingar á vefjum sem og að hafa tækifæri til að taka þátt í málefnum líðandi stundar til jafns á við aðra. Aðgengismálin eru einnig nátengd hugmyndum um meiri sýnileika í leitarvélum og farið verður yfir þau atriði sem bæði gagnast leitarvélum sem og öllum notendum vefja.
Boðið er upp á sérsniðin námskeið að þörfum fyrirtækja og stofnana. Það sem vinnst með slíkum námskeiðum er margþætt:
- Námskeiðið eykur þekkingu starfsmanna á aðgengi fatlaðra viðskiptavina og skjólstæðinga að Netinu.
- Námskeið er gagnvirt þ.e. þátttakendur fá tækifæri til að spyrja spurninga á meðan á námskeiði stendur.
- Þátttakendur fá sjálfir að kynnast ýmsum tólum og tækjum sem notuð eru til að bæta aðgengi á vefjum.
- Tæknilegum spurningum jafnt sem öðrum spurningum er svarað en námskeið miðast að því að allir þátttakendur fái kynningu á sem flestum snertiflötum aðgengismála á Netinu.
Leiðbeinandi á námskeiðunum er Sigrún Þorsteinsdóttir, sérfræðingur í aðgengismálum fatlaðra að Netinu.
Fyrir verðupplýsingar og tilboð, vinsamlegast hafið samband við SJÁ í síma 511-3110 eða með því að senda okkur fyrirspurn.
