Um Sjá

Sjá var stofnað 15. janúar 2001. Hugmyndin kviknaði árið 2000 þegar stofnendur unnu við hugbúnaðar- og vefsíðugerð hjá íslensku vefstofunni.
 

Stofnendur tóku þátt í netvæðingunni sem mótaði upplýsingageirann á þeim tíma og flestir muna eftir.
 

Stofnendur tóku þátt í þróun og frumgerðum margra stærstu vefja landsins. Á þessum árum lá lítið fyrir af upplýsingum um hvernig væri best að gera hlutina og fátt um svör. Margt getur farið úrskeiðis og réttur undirbúningur skiptir öllu máli ef vel skal takast.
 

Því var farið á stúfana og skoðað hvernig best væri fyrir fyrirtæki að gera góða vefi. Erlendis fóru að spretta upp fyrirtæki sem veittu ráðgjöf í þessum efnum og framkvæmdu prófanir og var þeim mjög vel tekið.
 

Í kjölfarið var kannað hvort þessi þjónusta ætti erindi á Íslandi. Í ljós kom að mikil þörf var, og er enn, til staðar.