Framundan er spennandi bjórkvöld hjá SVEF. Taktu frá fimmtudagskvöldið næstkomandi, 26. febrúar frá kl 20:30. Umræðuefni kvöldsins tengist farsímavefjum en undanfarin misseri hafa sífellt fleiri farsímavefir verið að líta dagsins ljós.
Nú er hægt að nota bankaþjónustu, leita í símaskrá, horfa á sjónvarpið eða leika sér á facebook á meðan setið er á biðstofu, strætó eða bara á leiðinlegum fundi. Að sama skapi eru sífellt fleiri farnir að nýta sér farsímana til að vafra á með hraðari og ódýrari nettengingum (3g, edge) og öflugri símum.
Á bjórkvöldi SVEF munum við að fara yfir tækifærin sem eru til staðar, hvað ber að varast og hafa í huga þegar farsímavefir eru smíðaðir.
Yfirskrift kvöldsins að þessu sinni er – Mobile vefir, tækifæri eða bara önnur wap bóla?
Framsögur flytja valdir sérfræðingar:
- Njáll Þórðarson (Síminn)
- Jóhannes Erlingsson (NOVA)
- Brian Suda (Origo – TM software)
Fimmtudagurinn 26. febrúar kl. 20:30, Bertelstofa á Thorvaldsen-bar við Austurvöll.