Month: nóvember 2009

Íbúar Smugunnar ætla að bjóða gestum og gangandi á jólamarkað þann 5. desember frá kl 12-17. Á jólamarkaðinum mun kenna ýmissa grasa og verður m.a. flóamarkaður, myndlist, ljósmyndasýning, heimagert jólaskraut og fleiri upplagðar jólagjafir. Látið sjá ykkur og grípið vini og aðra með inn úr kuldanum.

Á vef mbl.is var nýverið að finna afar áhugaverða frétt um áherslur í rafrænni stjórnsýslu innan OCED ríkjanna.

Continue reading

Það er alltaf gaman þegar hægt er að hafa óbein áhrif á hegðun fólks, þ.e. án þess að það sé beinlítis meðvitað um það að verið sé að hafa áhrif á t.d. hvort það smelli frekar á tengil A eða B á vefsíðunni. DoshDosh tók saman 11 aðferðir sem nota má í þessum tilgangi og eru þær skemmtilegar aflestrar. Það er einnig áhugavert að margar aðferðanna eru þær sömu og rekast má á í daglegu lífi þ.e. í stórmörkuðum (afslættir og tilboð, vara að verða uppseld, staðsetning o.fl.). Margar kunnuglegar aðferðir má lesa um þarna því stjórnendur innkaupavefsíðunnar Amazon eru auðvitað meistarar í þessum fræðum.

Í dag er dagur nytseminnar, eða World Usability Day 2009. Þema dagsins í ár er Hönnun fyrir sjálfbæran heim.
Hægt er að skoða upplýsingar um ýmislegt sem er í gangi í tilefni dagsins á World Usability Day vefnum.  Sem dæmi má nefna útsendingar ýmissa viðtala við lykilfólk í bransanum. Kíktu á, það er örugglega eitthvað við allra hæfi.

Í dag birti WebAIM niðurstöður könnunar á notkun skjálesara. Ótalmörgum spurningum varðandi aðgengi og þá sem nota skjálesara í daglegu lífi er svarað. Nauðsynlegur lestur fyrir þá sem hafa áhuga á skjálesurum og hvernig notendur nota þá, hvað þeir kjósa og hvað þeim líkar illa. Þó að niðurstöðurnar eigi við um Bandaríkin aðallega gefa þær ágæta yfirsýn. Sérlega áhugavert!