Ekki verður of oft minnt á þennan stórviðburð. Ráðstefnan Iceweb 2010 verður haldin 7.-8. október nk. Frábærir fyrirlesarar og mjög áhugaverðar vinnustofur í boði. Sjá má nánari upplýisngar á vef ráðstefnunnar. Ekki missa af þessu.
Month: september 2010
Skýrsla Hagstofu um notkun á tölvum og neti 2010
Út er komin skýrsla Hagstofunnar Notkun heimila og einstaklinga á tölvum og neti 2010. Áhugavert er að glugga í niðurstöður og bera saman við fyrri ár. Árið 2010 voru tölvur með nettengingu á yfir 90% heimila landsins. Tölvu- og netnotkun er einnig mjög almenn en 96% íbúa á aldrinum 16-74 ára höfðu notað tölvu síðustu 3 mánuði fyrir rannsóknina og 95% höfðu tengst netinu. Mikil aukning er í notkun farsíma um 3G kerfi til að fara á netið frá fyrra ári og er nú tæplega 25%. Um helmingur landsmanna á sama aldursbili hafði jafnframt verslað á netinu en það er lítilleg aukning frá fyrra ári. Notkun netbanka er einnig mjög víðtæk eða ríflega 80% notenda. 70% höfðu notað samskiptasíður eins og Facebook og Twitter. Nær allir skoða jafnframt vefútgáfur fjölmiðlanna. Hægt er að skoða samantekt úr skýrslunni á vef Hagstofunnar.
Norræn ráðstefna um samskipti manns og tölvu – NordiCHI
Ráðstefnan NordiCHI 2010, verður haldin á Hilton hótelinu í Reykjavík dagana 18. – 20. október 2010, undir yfirskriftinni: „Extending boundaries“. Þetta er sjötta NordiCHI ráðstefnan um samskipti manns og tölvu og er nú haldin í fyrsta skipti á Íslandi.
Þriðjudaginn 19. Október, frá 9:00 – 16:30, er sérsniðin dagskrá að þörfum atvinnulífsins.
Gagnleg usability tips
Flestir geta verið sammála um það að nytsemi vefja (e. usability) skipti máli. Það er lykilatriði að notendur upplifi vefinn á jákvæðan hátt. Að baki liggja margra ára rannsóknir á hegðun og upplifun notenda, sem gera okkur kleift að gera betri vefi í dag.
Smashing Magazine birti á dögunum 10 gagnleg usability tips. Við hjá Sjá erum sannarlega sammála því sem þar kemur fram. Kíkið á greinina hér.