Sjá tók þátt í mjög skemmtilegu verkefni sem nú hefur verið hleypt af stokkunum – SAR Weather. Aðkoma Sjá snerist fyrst og fremst um notendaviðmótið, en við framkvæmdum prófanir með notendum. Við unnum með snillingunum hjá Reiknistofu í veðurfræði og IO í því að gera notendaviðmótið sem viðmótsþýðast.
SAR Weather snýst um að gefa góða veðurspá hratt og örugglega í gegnum vefviðmót og sérstaklega fyrir björgunar- og leitarstarf þar sem hver mínúta skiptir máli.
Í nýrri grein á vef Smashing Magazine eru skemmtilegar pælingar um breytt hlutverk notenda þegar kemur að vefjum og þá þróun sem hefur átt sér stað undanfarin ár. Í mörgum tilfellum eru notendur nú meiri þátttakendur í þróun en áður var, þegar vefhönnuðir eða eigendur vefja voru þeir sem einir réðu ferðinni. Skemmtileg lesning.
Við rákumst á áhugaverða samantekt fyrir á vefnum Web Resources Depot. Þar eru tekin saman 15 áhugaverð og ómissandi bókamerki fyrir vefara og vefhönnuði. Bókamerki eru frábær leið til að spara sér tíma, ef um er að ræða upplýsingar sem maður þarf oft að leita í. Aðeins einn smellur og málið leyst.
Smelltu hér til að lesa samantektina.
