Í nýlegri bloggfærslu á vef Webcredibles er spurningunni um það hvort betra sé að setja upp farsímavef eða útbúa app fyrir þjónustu fyrirtækja. Niðurstaðan kemur kannski ekki á óvart; mikilvægt er að rannsaka markaðinn og þarfir notenda vel. En almenna reglan er að app hentar fyrir endurteknar heimsóknir/aðgerðir en farsímavefur fyrir stakar heimsóknir.
Í nýjasta pistli sínum fjallar Jakob Nielsen um það hversu marga notendur skal taka inn í hverja prófun. Einfaldasta svarið er 5 notendur, en auðvitað eru ýmis frávik frá þeirri reglu. Pistilinn má lesa hér.
Í dag, 9. maí, er alþjóðlegi vefaðgengisdagurinn. Við skorum á alla sem vinna við tölvur að taka músina úr sambandi í eina klukkustund og láta okkur svo vita hvernig gekk.
Til hamingju með daginn!
Í nýjasta pistli sínum fjallar Gerry McGovern um framleiðni starfsmanna og raunverulegar ástæður þess að innri vefir standa ekki undir væntingum. Samkvæmt honum er rót vandans aukin krafa um vinnustundir sem í raun felur í sér minni framleiðni. Skoða þarf innri vefi með það í huga að einfalda ferla og þannig tíma sem fer í verkefni – án þess að bæta við tímum annars staðar. Smellið hér til að lesa pistilinn.
Auðvitað er hægt að pirra notendur á ýmsa vegu en í þessari skemmtilegu og fróðlegu samantekt frá System Concepts eru fjórar leiðir nefndar.
Íslensku vefverðlaunin 2011 voru afhent við hátíðlega athöfn í Tjarnarbíói í gær. Margir glæsilegir vefir voru tilnefndir að þessu sinni. Sjá má vinningshafana á vef Samtaka vefiðnaðarins.
Hér má sjá umfjöllun um vefverðlaunin í fréttum RÚV 3. febrúar 2012
Árlega stendur Stanford háskóli fyrir samkeppni um frumlegar nýjungar í tengslum við tölvur og tækni. Vinningshugmyndin í ár var lyklaborð á snertiskjá fyrir iPad. Skoða grein um vinningshugmyndina á vef Wire.
Í nýjasta pistli sínum kemur Gerry McGovern með góðar ábendingar um hvernig sé best að skrifa tenglaheiti. Þau þurfa að vera lýsandi fyrir það sem undir liggur en mikilvægt er að þau séu ekki of almenn eins og oft er. Eins er mikilvægt að hugsa þau út frá notandanum en ekki innra skipulagi viðkomandi.
Vefur Reykjavíkurborgar hefur nú fengið aðgengisvottun, en vottunin er veitt af Öryrkjabandalaginu og ráðgjafafyrirtækinu Sjá ehf. Í þessu felst að vefurinn er aðgengilegur öllum notendum óháð fötlun eða getu. Jón Gnarr, borgarstjóri, tók á móti fulltrúum Öryrkjabandalags Íslands sem afhentu honum skjal til staðfestingar á vottuninni.
Vottunin felur einnig í sér skuldbindingu Reykjavíkurborgar til að fylgja þeim kröfum sem settar eru fram varðandi aðgengi á vefnum. Miðað er við gátlista Sjá ehf. sem fylgir í meginatriðum gátlista W3C (World Wide Web Committee), frá Website Accessibility Initiative (WAI) sem gefinn var út 1999.
Við þekkjum það öll að rekast á vonda vefi á vafri okkar um netið. Hér má finna skemmtilega samantekt um það sem vefmiðillinn Manolith kallar verstu vefi í heimi. Skoða grein.
