Týndur fannst en fundinn hvarf,
að fundnum týndur leita þarf.
Týnist þá en fundinn fer,
að finna þann sem týndur er. (Höfundur óþekktur)
Þessi vísa kom upp í hugann á okkur þegar við lásum nýjustu skýrslu Jakobs Nielsen. Þar fjallar hann um að finna staðsetningu verslana á Netinu í dag eða svokallaða Store Locators.
Myndbönd virðast vera það heitasta í dag, heilu vefsíðurnar snúast eingöngu um að birta myndbönd eins og t.d. Youtube, BBC iPlayer og 4oD og aukinn fjöldi vefsíðna notar myndbönd til að fanga athygli notenda.
Ýmsar hræringar eru í vafraheiminum eins og þeir sem hafa fylgst með vef- og tæknimálum hafa eflaust tekið eftir.
Bandaríkin hafa leitt stefnur og strauma í aðgengismálum að vefsíðum og alls kyns miðlum og tækni síðustu árin, sérstaklega hvað varðar löggjöf og staðla. Nokkur mál hafa farið fyrir dómstóla og í öllum tilvikum hefur fatlaður vefnotandi unnið málið.
Nýlega var kynnt skýrsla um bestu vefi sveitarfélaga í Bretlandi. Skýrslan er ekki ósvipuð úttekt SJÁ og forsætisráðuneytisins á innihaldi, nytsemi og aðgengi opinberra vefja og gefur ágæta hugmynd um t.d. hvernig ástand í rafrænni stjórnsýslu, meðferð gagna og nytsemi vefja er þar í landi. Ekki var þó fjallað um aðgengi bresku vefjanna.
Hin vinsælu námskeið í aðgengismálum hefjast aftur með haustinu. Aðgengismál fatlaðra að Netinu er sífellt að verða fyrirferðarmeira í umræðunni enda ættu allir notendur að hafa tækifæri til að nálgast upplýsingar á vefjum sem og að hafa tækifæri til að taka þátt í málefnum líðandi stundar til jafns á við aðra.
Notendur trúa ekki öllu sem þeir sjá eða heyra, þeir fara ekki á vef og kaupa dýran hlut án þess að gera svolitla rannsóknarvinnu fyrst. Þeir lesa umsagnir, þeir bera saman, þeir skoða stjörnugjöf, þeir spyrja vini og vandamenn o.fl. Webcredibles setti fram 7atriði sem hjálpa til við að sannfæra notendur um að kaupa það sem þú ert að selja.
SJÁ rakst á ferð sinni um Netið um daginn á vefinn WebDesignerWall. Þarna má finna það sem þeir telja heitast í listrænu vefútliti. Það má auðvitað alltaf deila um fegurð og smekk en engu að síður er gott að skoða það sem er í gangi, fá hugmyndir og hugljómanir.
Viðtal birtist í Morgunblaðinu í gær (sunnudaginn 6. Júlí) við Sigrúnu Þorsteinsdóttur, aðgengissérfræðing hjá SJÁ. Þar er farið yfir stuttlega yfir feril Sigrúnar, stöðu íslenskra vefja í aðgengismálum miðað við nágrannalönd, viðhorf fyrirtækja og stofnana til aðgengismála og fleira. Viðtalið við Sigrúnu á PDF sniði (86 kb). Skjalið er aðgengilegt skjálesurum en ef þið lendið í einhverjum vandræðum með lestur skjalsins endilega látið okkur vita og við sendum ykkur skjalið um hæl á öðru sniði.
Fyrir nokkrum mánuðum síðan greindum við frá því að nýr vefur BBC væri kominn í loftið. Endurhönnun vefjarins þykir hafa heppnast einstaklega vel. Nú er að koma í ljós að vefur BBC fór 36 milljónir punda fram yfir kostnaðaráætlun. Ástæðan segja þeir liggja hjá „lélegri stjórnun“ og að „yfirsýn yfir fjármál hafi ekki verið nægilega markviss“. Hmmm. Maður skyldi ætla það. En hvað er hægt að gera til að kostnaður fari ekki langt fram úr?
Continue reading
