Því miður er það allt of algengt að notendur eiga í miklum erfiðleikum með að finna það sem þeir leita að á vefjum fyrirtækja. Gerry McGovern fjallar um leit og leitarvélar í pistli sínum þessa vikuna. Hann hittir naglann á höfuðið eins og svo oft áður. Þar segir hann að til þess að leysa þetta vandamál þurfi að hugsa þetta út frá því að finna en ekki leitinni sjálfri. Út frá efni en ekki tækni. Mikilvægt er að efni sé skrifað með tungutaki notandans en ekki út frá innanhúss hugtökum. Tæknin getur aðeins gert svo mikið, hitt er í okkar höndum.

Í nýjasta pistli NN Group er fjallað um notendaupplifun (e. User experince eða UX) og hversu mikilvægt sé að leita til raunverulegra notenda til að tryggja að notendaupplifun sé góð og í samræmi við væntingar.

Hann dregur jafnframt fram algengustu mistökin í þessu samhengi. Nefnd eru þrjú algeng mistök sem gerð eru þegar notendaupplifun er rannsökuð.

 

Að leita ekki til rétta fólksins. Mikilvægt er að leita í réttan markhóp og tala við raunverulega notendur á meðan á þróunarferlinu stendur. Þannig fást raunhæf gögn til að vinna með.

Að vera leiðandi. Óreyndari prófarar geta haft áhrif á niðurstöður með því að spyrja notendur leiðandi spurninga. Réttari niðurstöður fást þegar prófun er í höndum reyndra aðila sem hafa góðan skilning á atferlisrannsóknum.

Að nota ranga rannsóknaraðferð. Notendaprófanir geta verið margskonar og mikilvægt að velja þá aðferð sem hentar hverju sinni. Þannig fást skýrust svör við þeim spurningum sem leitast er við að svara á viðeigandi stigi í þróunarferlinu. Röng aðferð getur kallað á röng svör.

Gömul vísa er aldrei of oft kveðin. Í nýlegum pistli fjallar Jakob Nielsen um mikilvægi þess að hægt sé að ferðast um vefi með lyklaborðinu og án músar.  Ágætis upprifjunaræfing.

Niðurstöður úr úttektinni Hvað er spunnið í opinbera vefi 2013? voru kynntar á UT daginn þann 28. nóvember sl. Sjá sá um framkvæmd á úttektinn að þessu sinni og fulltrúi Sjá kynnti helstu niðurstöður á fundinum. Segja má að á heildina litið hafi niðurstöður verið nokkuð jákvæðar. Sé horft til niðurstaðna úr fyrri könnunum til samanburðar hefur þróunin verið jákvæð, þ.e.a.s. heildarskor fer hækkandi og tekur nokkuð gott stökk upp á við núna frá síðustu könnun 2011. Continue reading

Niðurstöður úr úttektinni sem Sjá hefur verið að vinna að undanförnu – Hvað er spunnið í opinbera vefi 2013? – verða kynntar á UT daginn sem er þann 28. nóvember næstkomandi.

Hægt er að skoða dagskrá UT dagsins og skrá sig á vef Ský.

Til hamingju með daginn! Í dag, 14. nóvember 2013,  er dagur nytsemi eða World Usability Day.   Dagurinn í ár er helgaður heilsugæslu og betri kerfum með samvinnu. Margir stórskemmtilegir viðburðir eru haldnir í tilefni dagsins víða um heim en hægt er að skoða dagskrána á vefnum þeirra. Enginn sérstakur viðburður er í tengslum við daginn á Íslandi en við getum fylgst með notið þess sem gerist annars staðar.

 

Að úttektinni standa innanríkisráðuneytið og Samband íslenskra sveitarfélaga. Sjá kemur að úttektinni nú í fjórða sinn og annast framkvæmd hennar.

Continue reading

Sjá hefur tekið að sér að framkvæma úttektina – Hvað er spunnið í opinbera vefi 2013?  Úttektin nær til um 270 opinberra vefja – vefja ráðuneyta, stofnana og sveitarfélaga. Þetta er í fimmta sinn sem úttektin er framkvæmd en hún hefur farið fram annað hvert ár frá árinu 2005. Úttektin verður með svipuðu sniði og áður og  fer fram í haust.

Lesa má meira um úttektina á UT-vefnum.

Fimmtudaginn 9. maí er tileinkaður aðgengismálum – Global Accessibility Awareness Day. Ýmislegt er gert víða um heim til að minna á mikilvægi aðgengis. Hægt er að nálgast upplýsingar um daginn og viðburði á vefnum www.globalaccessibilityawarenessday.org. Einnig er dagurinn með eigin Facebook síðu.  Hægt er að fylgjast með mörgum af viðburðunum á netinu þannig að ekki láta þetta fram hjá ykkur fara. Skemmtilegt og þarft framtak.